Taith Eisteddfod a Phen-blwydd Trevelin 2012
A oes diddordeb gennych i ymuno â Thaith Pen-blwydd Trevelin ym mis Tachwedd 2012? Am fanylion pellach, gan gynnwys pris, teithlen lawn a.y.y.b llenwch y ffurflen isod, gan ofyn unrhyw gwestiynau sydd gennych.
Gan fod gymaint o bobl wedi dangos diddordeb mewn Taith Eisteddfod y Wladfa eleni, ‘rydym wedi penderfynu rhedeg taith arall ym mis Tachwedd a fydd yn cyd-daro â dathliadau pen-blwydd sefydliad Trevelin. Mae’r dathliadau hyn yn adeg wych i ddod i adnabod trigolion y dref, ac yn 2012 mae yna fonws, gan bod Eisteddfod Trevelin wedi cael ei symud i gyd-daro gyda'r dathliadau.Bydd y daith yn dechrau wrth yr arfordir ger Puerto Madryn lle byddwch yn gweld golygfeydd y ddinas boblogaidd hon yn ogystal ag ymweld â Phenrhyn Valdés i weld y bywyd gwyllt anhygoel sydd yn yr ardal, gan gynnwys morfilod a phengwiniaid, ymysg eraill. Yna, byddwch yn ymweld â Gaiman a Threlew, cyn dechrau’r siwrne bythgofiadwy ar draws y paith hyd at Esquel a Threvelin sydd wrth droed mynyddoedd yr Andes. Gan fod tymhorau’r Ariannin yn gyferbyniol i’n tymhorau ni yng Nghymru, byddwch yn ymweld â’r Wladfa yn y gwanwyn hwyr, ac felly bydd y tywydd yn bleserus iawn.
Yn ogystal â’r pethau sydd i’w gweld a gwneud yn y Wladfa, fe fydd yna siawns i gymdeithasu gyda’r Cymry Archentaidd mewn digwyddiadau cymdeithasol fydd wedi’u trefnu yn arbennig iddoch chi.Gan fod yna sel gwartheg fawr ymlaen ar yr un adeg â’r dathliadau, fe fydd yna siawns i weld hwn– byddwn hefyd yn cynnwys ambell ymweliad â ranch Archentaidd, gyda chyfleoedd i ddysgu am y fathau o anifeiliaid sy’n cael eu ffermio yn y Wladfa. Gan fod yna wedi bod galw mawr am opsiwn o wneud gweithgareddau amaethyddol ar ein teithiau, fe fydd yna hefyd ymweliadau ag ardaloedd eraill o ddiddordeb amaethyddol yn cael eu trefnu i’r rheini sydd â diddordeb. I’r rheini nad sydd â gymaint o ddiddordeb mewn byd amaethyddiaeth, byddwn yn gallu trefnu gwibdeithiau eraill, megis ymweliad â pharc cenedlaethol. Mae yna ystod eang iawn o bethau y gellid eu gwneud yn y Wladfa!
A oes teulu neu ffrindiau gennych ym Mhatagonia? Rhowch wybod i ni ymlaen llaw ac fe allwn drefnu ichi gwrdd – mae hyn yn gallu fod yn brofiad emosiynol iawn ac yn gallu gwneud eich taith i’r Wladfa hyd yn oed yn fwy bythgofiadwy!
Uchafbwyntiau'r daith:
Taith 18 diwrnod
- Buenos Aires
- Y Dyffryn (Gaiman, Trelew a Phorth Madryn)
- Cwm Hyfryd (Esquel a Threvelin)
- Peninsula Valdes
- Croesi'r paith
Beth sy'n gynwysedig?
- Hediadau rhyngwladol a mewnol
- Trafnidiaeth fewnol
- Llety
- Gwibdeithiau / teithiau dinas
- Llawer o brydiau bwyd (manylion o fewn y deithlen lawn)
- Tywyswyr
- Digwyddiadau cymdeithasol gyda'r gymuned Gymreig
Tystebau ar gyfer taith 2010:
“Gan fy mod i wedi bod yn gobeithio ffeindio olion o fy nhad yn Nhrevelin roedd y daith yn lwyddiant mawr. Fe basiodd Aled o Teithiau Tango manylion am yr amser a dreuliodd fy nhad yn y Wladfa i'n tywyswyr ymlaen llaw ac fe wnaethant ychydig o ymchwil. Rydw i mor ddiolchgar iddynt am y wybodaeth eu bod wedi ffeindio allan ac am drefnu imi ymweld ag Ivy Hammond, sy’n cofio fy rhieni. Fe ffeindiais gymaint mwy nag oeddwn i’n disgwyl ac roeddwn i wrth fy modd gyda’r holl daith. Fe roddodd y daith hon gyfle imi i ddilyn llwybr y gwladychwyr cyntaf ac i weld lle arferai byw. Hyfryd oedd gweld y cefn gwlad drawiadol a chael naws am y tir. I mi roedd hi’n daith gyffrous iawn - ac yn un emosiynol hefyd.” - Hazel Davies, Taith Eisteddfod Menter Bro Ogwr 2010“Ni fyddai’n bosib i’r daith i Batagonia i fod wedi’i threfnu’n well. Roedd ein tywyswyr wedi dod a Phatagonia i fywyd i mi.” – Sharon Rees
A oes gennych unrhyw gwestiynau? A hoffech gael teithlen fanylach i ddarllen? Anfonwch eich manylion atom gyda'r ffurflen isod i gofrestru eich diddordeb ar gyfer taith eleni!